E daquela comezou o Masters Series de Madrid.

¿Alguén que non sexa seguidor do tenis coñece os participantes do torneo (exceptuamos os "cracks")? ¿Alguén que non sexa seguidor sabe exactamente o que é un Master Series? Que eu saiba, hai catro o longo do ano, no 2007 queren que o de Madrid se dispute antes do Roland Garros, sendo o único de Europa, habendo dous en EEUU e un en Asia.
Este descoñecemento pasa porque levamos xa tempo escoitando novas e máis novas do Master Series de Madrid, que en realidade importan máis ben pouco, deportivamente falando... que si o Cola-Cao de Nadal, que si agora chámase "Mutua Madrileña" Masters Series, que si Nadal e Federer lévanse que da gusto velos, que Moyá xoga un partidiño con Agüero, que si as recollepelotas o fan moi ben e que non deberían estar, que si nestes días instalouse en Madrid un espectacular restaurante-bar-cafetería de luxo, no que en cada rincón hai unha decoración diferente con camareras vestidas según o costume de cada país a onde vai o máis "chic" de Madrid, etc etc...
E despois de todo isto, de súpeto, chega o deporte... ¿resultado? Moyá cae en 1ª Ronda (por certo, de milagre acaba o ano dentro do top 50 da Atp, de non ser así, posiblemente se vira obrigado a retirarse) e logo vai o dobre de Nadal e Feliciano e caen en 1ª Ronda tamén, vale, caeron cos mellores... pero caeron!!!
Se tanta distracción non pode ser boa.

PD: Algo novo que aprendín hoxe. Resulta que os españois (Nadal e Feliciano) gañaron o primeiro set e perderon o segundo. Entón, o encontro resolveuse co novo sistema coñecido como "súper desempate", que serve para acurtar os encontros de dobres en lugar de disputar un terceiro set. Gaña o primeiro que chegue a dez puntos, con dous de diferenza. Nadal e López salvaron dous puntos de partido. Pero non puideron co terceiro (11-9) e dixeron adeus.